Zein da matematikak ikastearen garrantzia?

Matematikari buruzko jendeak idatzitako iruzkinak irakurtzen aritu naiz Facebook-en eta gauza harrigarriak aurkitu ditut.

Horien artean (Facebook-en) ondorengo komentarioa irakurri dut: “NO !! No es necesario saber matematicas porque nosotros no vamos a estar por la calle diciendo 45+3=48 nosotros encambio vamos a estar diciendo otras cosas. PERO NO MATEMATICAS!!!! :@ q no nos molesteeennn!! Por Favorr!!”

Jende asko dago, ez gazteen artean bakarrik, matematikak gure bizitzan ez dutela ezertarako balio pentsatzen dutenak... eta arrazoi guztia dute, ezta? Ni ez noa kaletik kalkulu mentala egiten, edo ez ditut etxean, afaldu ostean, erlajatzeko deribatuak egiten. Pentsamendu hau aldatu beharra dugu, eta honen lana irakasleak dute alde batetik. Haurrei txikitatik erakutsi behar zaie matematiken erabilgarritasuna, lehenengo sarreran azaldu nuen moduan. Nahiko harritu naiz iruzin hau irakurri dudanean, baina bereala pentsatzen jarri naiz eta askotan entzun ditut horrelakoak nire ezagunen artean. Pentsa ezazue, erosketak egiten ditugunean, nola alkulatzen ditugu egiten dizkiguten deskontuak? Edo nola kalkulatzen dugu gastatu duguna edo itzuli behar diguten dirua? Honelako adibideetan ikusten da benetan matematikak praktikotasuna dutela gure bizitzan, eta ez bakarrik aipatutako adibidean edo zenbakiekin zerikusia dutenetan. Matematikak gure bizitzarako beharrezkoak badira ere gure burmuina lantzeko ere oso beharrezkoak dira.

Beraz, matematikak eskolan ikastea ez dira bakarrik gure etorkisunean praktikotasuna izango dutelako baizik eta pertsonen garapen kognitiborako ezinbestekoak direlako.

Zergatik gutxitan da matematika ikasgairik gustukoena ikasleen artean? Nire ustez, askotan honen zailtasunagatik izan daiteke, baina beste askotan, irakasleak erabiltzen duen metodologiagatik izan daiteke ere. Gehienetan erabiltzen den metodologia ez da nire ustez egokiena, liburuen bitartez irakasten da, ariketak eta ariketak eginez, umeentzat aspergarria izaten dena.
Hau aldatzeko, irakasleek egin dezaketen aldaketa bat ikasleei matematiken erabilgarritasuna erakustea da. Matematikak ikastean, bizitzan erabiliko dituztela ulertu behar dute eta gaur hori egiteko adibide bat azaldu nahi nuke.
Joko oso ezagun honen bidez, “dendatxoa”, matematiken hainbat alderdi landu daitezke eta errealitatera hurbildu. Joko honekin, euroen erabilera lantzen da, ikasleek, euroekin eragiketak egiten dituztelako. Gainera, dendatxoan, aipatutako dirua egoteaz gain, pisu bat egon behar du. Honekin, elikagaien pisuak lantzen dituzte eta honen eta diruaren erlazioak ere lantzen dituzte. Dendatxoa zenbat eta produktu gehiago eduki eta material gehiago izan, gero eta hobeto arituko dira. Beste aldetik, elikagai horiek errealak badira, askoz ere interesgarriagoa da, oraindik ere lotura estuagoa mantentzen delako haiek ezagutzen dutenarekin, eta seriotasun gehiagorekin arituko dira umeak.